काँढा

बिनोद खड्का
हाल ः दोहा कतार


काँढा

मार्ने र मर्ने खेल
कहिल्यै सकिएन
शान्तीका कुरा गर्थे
कहिल्यै देखिएन ।



सत्ताको गुलियोमा
सबै लठृ पर्ने
कहिले भित्र कहिले बाहिर
उनकै खेल चल्ने ।



चक्का जाम र बन्दले
देश नै खाने भयो
आरोप र प्रत्यारोपले
कान नै टट्यायो ।



मण्डले प्रवृत्ति
देशकै नासो भयो
आसेपासे पाल्ने चलन
मौलाउन थाल्यो ।



निमुखा जनताका
दिन कहिल्यै आउला
सोचेका होईनन बिचराले
फेरी आतंक नै छाउला ।



अब कसको भर पर्ने
कसलाई असल मान्ने
पलायन नै निर्णय
कहिल्यैसम्म चल्ने ।